کراچی کے علاقے گلشن اقبال میں نیپا چورنگی سے کراچی یونیورسٹی کی طرف چلیں تو مؤ تمر العالم الاسلامی کے برابراور سفاری پارک کے سامنے بائیں ہاتھ پر ایک خوبصورت عمارت نظر آتی ہے جو کہ دینی مدرسہ ’’جامعہ الدراسات الاسلامیہ‘‘ کی ہے ۔جو جہالت اور بے دینی کے گھٹا ٹوپ اندھیروں میں دعوت دین کیلئے ہر اول دستے کا کردار ادا کر رہی ہے۔جامعہ الدراسات کی بنیاد 1983 میں رکھی گئی۔پوری دنیا سے تشنگان علوم اسلامیہ نے اس مادر علمی کا رخ کیا۔واقعہ9/11 سے قبل جامعہ الدراسات الاسلامیہ میں بائیس ممالک کے طلبہ زیر فتویٰ تھے لیکن حالات کی نزاکت کے پیش نظر غیر ملکی طلبہ واپس اپنے ملکوں میں چلے گئے۔جامعہ کا رقبہ 1700 مربع فٹ ہے۔ جامعہ کی جامع مسجد تقوی فن تعمیر کا ایک عظیم شاہکار ہے، جس میں بیک وقت آٹھ ہزارمرد وخواتین نماز ادا کر سکتے ہیں،مسجد کے نیچے تقویٰ آڈیٹوریم ہال بھی بنایا گیا ہے جہاں اہم دینی اور قومی مسائل پرکنونشن منعقد ہوتے رہتے ہیں جس میں علماء واسکالر حضرات خطاب فرماتے ہیں،بیرونی طلبہ کے لئے جامعہ کے اندر ہاسٹل کا انتظام ہے۔ جس میںصاف ستھرے ،کھلے اورہوادار کمرے ہیں ۔تدریبی کلاسوں اور بچوں کے کھیلنے کے لئے جامعہ کے اندر ایک گراسی لان بھی ہے،کلاسوں کا ماحول بھی وسیع و عریض انتہائی پر امن اور صاف ستھرا ہے۔ جامعہ الدراسات الاسلامیہ کے تحت اس وقت درجنوں مدارس کام کر رہے ہیں ۔ ۔